Tum Nay Kia Suna Janaa'n

Gham Hai Dil K Hisab Ka Janaa'n
Wo Jo Sab Kuch Tha Kia Hua Janaa'n

Tum Ho Aagosh Me Magar Pher Bhi
Dil Nhe Lag Rha Mera Janaa'n

Mein Bhi Kuch Bhi Nhe Tha Aur Tum Bhi
Yani Jo Kuch Tha, Khawab Tha Janaa'n

Shehar-E-Tabeer Ho Gya Aabad
Khawab Barbad Ho Gya Janaa'n

Mein Nay Kia Kuch Kaha Nhe Maloom
Tum Jo Ho, Tum Nay Kia Suna Janaa'n

Hum Nay Samjha Tha Jis Ko Rishta-E-Jaa'n
Kisi Lamhay Ka Haal Tha Janaa'n

Yeh Na Pocho Bichad K Tum Say Mujhay
Kaye Baras Us Ka Gham Rha Janaa'n

Hum Hain Mehroom-E-Wis'at-E-Yak Gaam
MIR Ko Lakhnao Mila Janaa'n

Kia Sunaain Tumhain Haqayet-E-Dil
Hum Ko Dhoka Dia Gya Janaa'n

Hai Khuda Say Munazara Darpaish
Aa Gya Kon Teesra Janaa'n

Hai Wo Gurbat K Abb Meray Dil Me
Kuch Nhe Hai Meray Siwa Janaa'n

Usi Aalim Me Mubtala Hun Mein
Wo Jo Aalim Hai Shehar Ka Janaa'n

Kis Say Hum Apnay Dil Ki Baat Karain
Shehar-E-Dilli Nhe Rha Janaa'n

Hum Wahan Hain Hamaray Sath Jahan
MIR Bhi Khoon Thokta Janaa'n

Kia Gham-E-Hijar Aur Aish-E-Wisaal
Ik Tamasha Hua Kia Janaa'n

Kia Btaon Hai Kitni Pur-Ahwal
Halat-E-Tark-e-Mud'aa Janaa'n

Abb Hamain Zindagi Guzarni Hai
Yani Wo Khel Ho Chuka Janaa'n

Kaash! Tum Sach K Haal Me Hotay
Aur Me Jhoot Bolta Janaa'n

Hum Ko Gardaab Me Hai Ik Umeed
Par Kahen Bhi Nhe Khuda Janaa'n

Me Bhi Abb Bay Gila Hun Aur Tum Bhi
Yani Kuch Bhi Nhe Bacha Janaa'n

Mujh Pay Aur Tum Pay Jiss Ka Tha Ahsaa'n
Kal Wo Qasid Bhi Mar Gya Janaa'n