Sambhala Hosh Hy Jab Se
Muqaddar Sakht'Tar Nikla
Para Hy Waasta Jis Se
Wohi Teer-O-Tabar Nikla

Sabaq Deta Raha Jo Umr Bhar
Roshan Khyali Ka
Usy Jab Paas Se Dekha
To Khud B Tang Nazar Nikla

Samajh Kr Zindagi Jis Se
Mohabat Kr Rahy Thy Hum
Usy Jab Chu K Dekha To
Faqat Khaki Bashar Nikla

Muhabbat Ka Khumar Utra
To Tab Saabit Hua MOHSIN
Jisy Manzil Samajhte Thy
Wo Be'Maqsad Safar Nikla