ab k safar kuCh or tha
or hi kuCh sarab thy
dasht-e-talab me ja-ba'ja
saNg-e-giraan-e-Khwab thy

hashr k din ka ghul'ghula
shehr k baam-o-dar me tha
nigly hue sawal thy
ugly hoe jawab thy

ab k baras bahar ki
rut b thi inetzar ki
lehjoN me sail-e-dard tha
ankhoN me izterab thy

KhwaboN k chaaNd Dhal gye
taroN k dam nikal gye
pholoN k hath jal gye
kese ye aftab thy

sail ki reh'guzar hoe
hoNT na phr b tar hoe
kesi ajeeb pyas thi
kese ajeeb sahaab thy

umr isi tazaad me
rizq-e-ghubar ho gai
jism tha or azab thy
ankhaiN thi or Khwab thy

subha hoi to shehr k shor me yoN bikhar gye
jese vo admi na thy
naqsh-o-nigaar-e-aab thy

ankhoN me Khon bhar gye
rastoN me hi bikhar gye
aany se qabl mar gye
aisy b inqelab thy

sath vo ek raat ka
chashm-e-zadan ki baat tha
phr na vo iltefat tha
phr na vo ijtinab thy

rabt ki baat or hy
zabt ki baat or hy
ye jo fishar-e-khaak hy
is me kabi gulab thy

abr baras k khul gye
ji k ghubaar dhul gye
ankh me ronuma hoe
shehr jo zair-e-aab thy

dard ki rah'guzar me
chalty to kis khumaar me
chashm k be'nigah thi
hoNT k be'khitab thy