Us shaam
vo rukhsat ka samaan yaad rahy ga
Vo shehr
vo koocha
vo makaan yaad rahy ga

Vo tees k ubhri thi idhar yaad rahy gi
Vo dard k utha tha yahan
yaad rahy ga

Hum shoq k sholy ki lapak bhol jaain gy
Vo shama-e-afsurda ka dhuan
yaad rahy ga

Kuch meer ki abyaat thy
kuch faiz k misry
Ik dard ka tha jin me bayan
yaad rahy ga

Jan bakhsh si thi us gulbarg ki taravat
Vo lams-e-azeez-e-do-jahan
yaad rahy ga

Hum bhol sky hain
na tujhe bhol skain gy
Tu yaad rahy ga humain haan
yaad rahy ga