khwahish hy k is toor se jeewan ko guzaron
hr aks tere husn ka ankhon me utaron

wo tishna'labi hy k samjh kuch nahi aata
daria ko sada don
k samundar ko pukaron

jeewan b to uljhi hoi doroon ki trha hy
is soch me gum hon k isy kese guzaron

ab is k siwa mera koi khwab nahi hy
hr saans ko khush'noodi-e-jana pe main waroon

behter hy k ab moot ko seeny se lga lon
is mann ko tere hijr me ab kitna main maroon

pehle to faqat hasrat-e-deedar thi Wasiq
ab ye b talab hy k USY jeet k haron