Chalo K Rasta Purana
Bdal K Dekhte Hain
Yahan Se Door Thikana
Bdal K Dekhte Hain

Bohat Dino Se Chali Aa Rahi Hy Shab Din Me
Ye Teergi Ka Zamana
Bdal K Dekhte Hain

Ye Kya Nishane Pe Hum Khud Aye Jaty Hain
Khala Me Ab K Nishana
Bdal K Dekhte Hain

Main Apni Ankhain Tumhin Don
Tum Apna Chehra Do
Khazane Se Ye Khazana
Bdal K Dekhte Hain

Yaqeen Nahi Hy Usy Aitbar Aa Jaye
Kaho To Phr B Bahana
Bdal K Dekhte Hain

Nigah Chahti Hy Ab Koi Nya Manzar
Tumhara Khwab Suhana
Bdal K Dekhte Hain

Khalos-e-Dostan Jis Se Hua Hy Kam Asghar
Wo Bebasi Ka Fasana
Bdal K Dekhte Hain