Muhabbat K Chiraghon Ko
Hawa Kese Bujhaye Gi...
Hawa pur'zor hy
Pur'shor hy
Munh'zor hy lekin ...
Hawa chalak hy
saf'fak hy
be'bak hy lekin
hawa yal'ghar hy
aazar hy
tal'war hy lekin
hawa be'mehr wehshi hy
Pur'Qehr hy lekin
Muhabbat K Chiraghon Ko
Hawa Kese Bujhaye Gi...
Jo khaliq hy muhabbat ka
jo hafiz hy muhabbat ka
jo zaamin hy muhabat ka
wohi malik hawa ka hy
to phr kese hawa ko
sarkashi krny ka yara ho?
Muhabbat K Chiraghon Ko
Hawa Kese Bujhaye Gi...
Chalo ehd-e-guzishta k
hawaly samny rakh kr
nateejy pr pohanchty hain
agr ab tak nahi samjhe
to is trha samjhty hain
humain tareekh k Album
se ik tasweer milti hy
k darya jis ka ghusa
pal me kashti dabota hay
ishara pa k khaliq ka
ksi janbaz k kachy gharey ko
Goud me ly kr
kinary tak b lata hy
yehi qudrat ka sika hy
jo hr ik shy pe chalta hy
to jaan-e-jan agr apni muhabbat b
wisal-e-jism-o-jan ki rahat se bartar hy
badan k qurb se
aagy bohat aagy ki manzil hy
ye ik anmol rishta hy
ye do rohon ka bandhan hy
to phr wehshi hawa
fitrat ki marzi or mansha pr
fqat Mubham ishary se
bdal kr apni fitrat ko
Muhabbat k chiraghon ki
hifazat khud he kr ly gi
Muhabbat K Chiraghon Ko
Hawa Kese Bujhaye Gi...
