Bina Jurm-o-Khata Khud Ko Koi Saza Dena
Bohat Mushkil Hy Meri Jaan Tumhain Bhula Dena

Mere Moula !
Agr Tu Ne
......Dobara Zindagi Bakhshi
To Bus Itni Guzarish Hy
Mujhe Pathar Bana Dena

Main Zehni Tor Pr Khud Ko
Zara Tay'yar Kr Lon Gi
Bichar Jany Se Kuch Pehle
Mujhe Humdum Bata Dena

Tumhari Ye Shararat Aaj Tak
Naqsh Hy Dil Pr
Daby Paon Chaly Aana
Mera Jhumka Hila Dena

Phr Is K Bad Jis K Pass B Tum Jao
Ejazat Hy
Mujhe ek Baar Apne Naam Ki Mehndi Lga Dena

Faqat Itna Kaha Tha Na
Mujhe Kuch Roshni Dy Do
Tumhain Kis Ne Ye Bola Tha
Meri Basti Jala Dena

Jisy Barish K Pani Me
Baha Kr Muskuraty Ho
Mujhe Kaghaz Ki Wo Kashti
Zara Phr Se Bana Dena

Umar Bhar Phr Tumhara Rasta Takny Se Acha Hy
K Tum Jany Se Kuch Pehle
Meri Ankhain Bujha Dena

Tumhain Is Baar Khat Me Fqat Ye Baat Likhni Hy
K Saawan Lout Aya Hy
Mujhe Jhoola Jhula Dena