Jany ab kis dais milain gy
ounchi zaton waly log
Naik nigahon
sachy jazbon ki soughaton waly log

......Pyas k sehraon me dhop pehen kr palty banjaro
Palkon oot talash kro
bojhal barsaton waly log

Waqt ki urti dhool me apne
naqsh ganwaty phirty hain
Rimjhim subho
Roshan shamon
Raisham Raton Waly Log

Ek bhikaran dhond rahi thi
raat ko jhothy chehron me
Ujly lafzoon
sachi baton ki khairaton waly log

Aany wali rog ruton ka
parsa dain hr larki ko
Shehnai ka dard samajh lain
gar baraton waly log

Pathar kootny walon ko b
sheeshy jesi saans mily
MOHSIN roz duaain mangain
zakhmi hathon waly log