Ab Kis Se Kahain Or Kon Suny
Jo Haal Tumhare Bad Hoa
Is DIL Ki Jheel Si gehraai Me
ek Khwab Bohat Barbad Hoa

Ye Hijr Hawa B Dushman Hy
Us Naam K Sary Rangon Ki
Wo Naam Jo Mere Honton Pr
Khushbo Ki Trah Abad Hoa

Is Shehr Me Kitne Chehre Thy
Kuch Yaad Nahi Sab Bhol Gye
ek Shakhs Kitabon Jesa Tha
Wo Shakhs Zubani Yaad Hoa

Wo Apne Gaon Ki Galiyan Thi
Dil Jis Me Naachta Gata Tha
Ab Is Se Farq Nahi Parta
Na'Shaad Hoa
Ya Shaad Hoa

Be'Naam Sitaish Rehti Thi
Un Gehri Jheel Si Ankho Me
Aisa To Kabi Socha B Na Tha
DIL Jitna Be'Daad Hoa