Kabi Safar
To Kabi Shaam Ly Gya Mujh Se
Tumhara Dard Kai Kaam Ly Gya Mujh Se

Mujhe Khabar Na Hoi Or Zamana Jaty Jaty
...Nazar Bacha K Tera Naam Ly Gya Mujh Se

Usy Ziada Zarorat Thi Ghar Basany Ki
Wo Aa Kr Mere Dar-o-Baam Ly Gya Mujh Se

Bhala Kahan Koi Juz Us Ka Milny Wala Tha
Bus ek Jura'at-e-Nakaam Ly Gya Mujh Se

Bus ek Lamha K Sach Jhot K Ae'waz Farhat
Tamaam Umr Ka ilzaam Ly Gya Mujh Se