Kahani Ko Mukam'mal B Nahi Hony Deta

Khud Ko Kirdaar Se Ojhal B Nahi Hony Deta
Wo Kahani Ko Mukam'mal B Nahi Hony Deta

Sang B Phenkta Rehta Hy Kahin Sahil Se
Or Pani Me Halchal B Nahi Hony Deta

Dhop B
Chaaon B
Rakhta Hy Siron Pr Lekin
Aasman Pr Kahin Baadal B Nahi Hony Deta

Roz ek Lehr Utha Lata Hy Be-Khwabi Me
Or Palkon Ko Bojhal B Nahi Hony Deta

Phol Hi Phol Khilata Hy Sir-e-Shaakh-e-wajood
Or Khushbo Ko Musalsal B Nahi Hony Deta

Aalam-e-Zaat Me Darwaish Bana Deta Hy
Ishq Insan Ko Pagal B Nahi Hony Deta