Ik ik pathar joor k main ne jo deewar banai hy
Jhankho us k peechy to ruswai hi ruswai hy

Yon lgta hy sooty jagty oron ka muhtaj hon main
Ankhain meri apni hain
...pr un me neend parai hy

Dekh rahy hain sb hairat se
neely neely pani ko
Pochy kon samundar se
tujh me kitni gehrai hy

Sab kehte hain ik jannat
utri hy meri dharti pr
Main dil me sochon shayd
kamzoor meri binaai hy

Bahar sehen me pairon pr kuch jalty bujhty jugnu thy
Hairat hy phr ghar k andar
kis ne aag lgai hy

Aaj hoa maloom mujhe
is shehr k chnd sayano se
Apni raah bdalty rehna
sab se bari daanai hy

Toor gye paiman-e-wafa
is door me kese kese log
Ye mat soch Qateel k bus
ik yaar tera har'jaai hy