Dil me qaraar rakhty hain

bewafaa se pyar rakhty hain
phr b dil me qaraar rakhty hain

haal-e-dil se ho koi Q waakif
labon pe ikhtiyar rakhty hain

zeib-o-zeenat se chehre hain roshan
per jigar me ghubaar rakhty hain

inteha-e-junon-e-ishq hy ye
waady pe aitbar rakhty hain

nafratain hi nahi faqat dil me
hasrat-e-deed-e-yaar rakhty hain

humko un se nahi gila koi
dil me wo Q ghubar rakhty hain

haasil-e-zindagi nahi kuch per
khwahishein be'shumar rakhty hain

soch kr phir na ho khata-e-ishq
daaman ab daagh'daar rakhty hain

falsafa ye hy zindgani ka
hasrat-e-dil ko maar rakhty hain