Chamakti Dhop Ko Aanchal Bana Sko To Kaho
Kiran Kiran Ko Jo Sheetal Bana Sko To Kaho
Tere Labon Pe Hy Sehra Ki Gard Ki Chaadar
Jo Meri Aankh Ko Chaagal Bana Sko To Kaho ...
Ye Arzo Hy K Khushbo Hisaar Ho Mera
Jo Apni Baanhon Ko Sandal Bana Sko To Kaho
Main Nangy Paon Kye Jaoon Kirchiyon Pe Safar
Jo Rasta Mera Makhmal Bana Sko To Kaho
Zara Si Lu Hy Jo Is Arzo K Jugnu Ki
Isi Ki Lu Se Jo Mashal Bana Sko To Kaho
Jo Umr Bhar Ki Shanasai Se Nahi Milta
Mohabbaton Se Wo ek Pal Bana Sko To Kaho
Hain Sehmi Sehmi Si Jo Muskurahatain Meri
Ksi Trah Inhain Chanchal Bana Sko To Kaho
Ye Taiz Dhop Badan Ko Na Kaat K Rakh Dy
Mere Khaloos Ko Peepal Bana Sko To Kaho
