Chaand kahani sunaya krta tha

Dehekty din me ajab lutf uthaya krta tha
main apne hath ka titli pe saya krta tha

agr main pochta
baadal kidhar ko jaty hain
javab me koi aanso bahaya krta tha

ye chaand zaeef hy
jis ki zuban nahi khult
kabi ye chaand kahani sunaya krta tha

main apni toot'ti avaz gaanth'ny k lye
kahin se lafz ka py'vand laya krta tha

ajeeb hasrat-e-parvaz mujh me hoti thi
main kaapiyon me parindy banaya krta tha

talash-e-rizq me bhatky hoe parindon ko
main jaib kharch se daana khilaya krta tha

hamary ghar k paas ek jheel hoa krti thi
or us me sham ko soraj nahaya krta tha

ye zindagi to mujhe tere paas ly aai
ye raasta to kahin or jaya krta tha