Subh ta sham sochta hon main
Bs tera naam sochta hon main

Ye jo ik taza aag bhaRki hy
Is ka anjaam sochta hon main

Samny hy qlam b kaghaz b
or pegham sochta hon main

Tujh sy is dil ka jo ta’luq hy
Us ka kuch naam sochta hon main

Ek sham-e-firaq dhal b gai
Phr b hr sham sochta hon main

Kya sabab hy gham-e-zamana ka
La zra jaam sochta hon main

Ab koi fikr hi nahi baqi
Bs tera naam sochta hon main