Hum Tujh Ko Kitna Chahty Hain

Azab-e-Dar'Badri Se Nikalna Chahty Hain
Ab Us K Khema-e-Khushbo Me Rehna Chahty Hain

Sada-e-Gul Ki Trah
Moj-e-Saba Ki Trah
Teri Gali Se Ksi Din Guzarna Chahty Hain

Talash-e-Rizq Me Bhatki Hoi Thakaan K Bad
Parindy Apne Gharon Ko Palatna Chahty Hain

Humain Na Dekh Zamany Ki Gard Ankho Se
Tujhe Khabar Nahi
Hum Tujh Ko Kitna Chahty Hain

Wafa Hy Shart To Phr Apne Darmiyan Ab B
Ye Log Kis Lye Deewaar Rakhna Chahty Hain

Ameer-e-Shehr Salamat
Masahibaan Samait
Hum Ahal-e-Sabr Un se Mukarna Chahty Hain