Kab Yaad Me Tera Sath Nahi
Kab Hath Me Tera Hath Nahi
Sad Shukar K Apni Raton Me
Ab Hijr Ki Koi Raat Nahi

Mushkil Hain Agr Halaat Wahan
Dil Baich Aye
Jan Dy Aye
Dil Walo Kocha-e-Jana Me
Kya Aisy B Halaat Nahi

Jis Dhaj Sy Koi Maqtal Me Gya
Wo Shan Salamat Rehti Hy
Ye Jan To Aani Jani Hy
Is Jaan Ki To Koi Baat Nahi

Maidan-e-Wafa Darbaar Nahi
Yahan Naam-o-Nasab Ki Poch Kahan
Aashiq To Kisi Ka Naam Nahi
Kuch Ishq Kisi Ki Zaat Nahi

Ye Bazi Ishq Ki Bazi Hy
Jo Chaho Lga Do Dar Kesa
Ger Jeet Gye To Kya Kehna
Haary B To Bazi Maat Nahi