Nahi Likhna

Mujhe darya nahi likhna
mujhe sehra nahi likhna
Tasal'sul se safar me hon
mujhe thehra nahi likhna

Purany rabton ki raakh
ab tk dil me baki hy
Meri jalti hatheli pr
nya wada nahi likhna

Ana se jeet kr usko
agr jo main ne khoya hy
Mera noha nahi likhna
mera naghma nahi likhna

Bisat-e-zindagi ki akhri
sarhad pe thehra hon
Mujhe fateh nahi likhna
mujhe mohra nahi likhna

Tumhari ankh me agr main
kabi chup chaap jal jaon
Tum apni ankho me lekin
mera sadma nahi likhna

Gawahi apne dil se lo
tumhara dil kya kehta hy
Mujhe jhota nahi likhna
mujhe sacha nahi likhna

Main uski yaad me gum hon
k apne aap me gum hon
Mujhe mehfil nahi likhna
mujhe tanha nahi likhna

Main apne lafzon ki shohrat
tumhain dy jaon ga ik din
Mujhe mashhor na krna
mera charcha nahi likhna

Ye na ho tum kabi us ko
mita'na chaho
na mit paye
Mujhe apna samajh lena
mgr apna nahi likhna

Meri ankho me batein hain
mgr chehre pe gehri chup
Meri ankhein to likh dena
mera chehra nahi likhna

Kahin aisa na ho meri
kasak us dil me reh jaye
Mera dukh dard likh dena
mgr gehra nahi likhna