Mujhe us se mohabbat hai,
Mgr kese kahoon us se,
Woh meri baat ko sanjeedgi se
kam hi leti hai,
Hr ik pal muskurana
Khilkhilaana,
Doston per fikray qassna,
Nit’naye masoom mansoobay banana,
Shokh chanchal har gharri
taaza shararat
me
bohat masroof rehti hai,
Mgr ik aur hadsha b hai mujh ko,
Main izhaar se
Iqraar se
khud roky rakhta hon,
K mehky khwab bun’ny,
khelne ka waqt hai uska,
Meri chahat
Kahin masoomiyat na cheen le uski,
Sadaa se hum ne dekha hai,
Mohabbat aadmi ko is’qadar
sanjeeda karti hai,
K phir mehfil,
tamashy,
khel usko bojh lagty hain,
Main darta hon
Kahin ye bhola’pan uska,
Ye hr pal cheh’chihaana
muskurana sab,
Mere izhaar se
sanjeedgi me na badal jaye,
Kahin us shokh ko b rog koi,
Chup chaap na lag jaye,
Mujhe us se mohabbat hai,
Mgr kese kahoon us se….
