Ab usko wo bhooli batain
yaad dilana theek nahi
na-haq wo aazarda hoga
usy rulana theek nahi

phone k aagy chup sa betha
main kitni dair se soch raha hon
abi wo thak kr sooya hoga
usy jagana theek nahi

us k sapny toot gye
to tum ko kya neend aye gi
guria jesi larki ho
yon aas dilana theek nahi

jitna safar guzra hy ab tk
ab uski takmeel kro
tum apne ghar
main apne ghar
aagy jana theek nahi

ghar waaly naraz to hon gy
itni dair se aany pr
chaand k sath safar me thy tum
ye to bahana theek nahi