Laahaq Hai Yahaan Marz Muhabbat Ka Sabhi Ko
Is Shehr K Logo Me Wabaa Aam Bohat Hai

Had Darja Sharafat Ka Orha Hai Libada
Aur Dil Me Haqarat Ki Balaa Aam Bohat Hai

Rishton Ka Yahan Paas To Rakhty Hain Sabhi Pr
Hairat Hai K Lut'ny Ki Sadaa Aam Bohat Hai

Daawa Hai K Har Fard Wafadar Yahaan Hai
Hai Darj Kitaabon Me Jafa Aam Bohat Hai

Tum Neki ki Tamannaain Bohat Rakhty Ho
Is Shehr Me Neki Ki Sazaa Aam Bohat Hai