Wo tabah-haal
wo sir-phiry
bara naam ishq me kr gye
Teri justaju me jo kho gye
teri arzo me jo mar gye

Hy ravish ravish me shaguftagi
kahin tazgi
kahin naghmagi
Ye chaman se kis ka guzar hua
k tamaam phol nikhar gye

Sab giraniyaan tere sath thi
teri mehrbaniyan sath thi
Teri arzo me jahan rahy
teri justaju me jidhar gye

Kahin kis trah se ye waqia
bara dukh bhara hy ye hadsa
Jinhain hum samajhty thy aashna
wo nazar chura k guzar gye

Rahy sahilon pe "Zaheer" hum
kabi is traf
kabi us traf
Jo talash-e-zaat me thy magan
wo bhanwar me kese utar gye