ye kya sitm'zareefi-e-fitrat hy aaj kal
begaangi shareek-e-mohabbat hy aaj kal

tanahi-e-firaq se ghabra raha hon main
mere lye sakoon b qayamat hy aaj kal

hr saans tarjuman-e-ghum-e-dil hy in dino
hr aah pardadar-e-hiqayat hy aaj kal

meri wafa hi mere lye keher ban gai
apni jafa pe unko nadamat hy aaj kal

phr chahta hon ek aalm taza'tar "Shakeel"
phr dil ko justaju-e-mussarat hy aaj kal