Tujhe Kya Khabar ae hum-nasheen
yahan kitny sadmy guzar gye
Tujhe yaad aai b to jab
mere sapny saary bikhar gye

Teri bandagi k hasool me
main kahan kahan se guzar gya
Mila mujh ko koi na aashiyan
mere din andheron me dhal gye

Na hi raaston ki khabar mili
na hi manzilon ka pata mila
Meri zindagi k wo chaar din
isi jostaju me guzar gye

Koi pal sahara na dy ska
teri yaad se nijaat ka
Subho sham rahy yehi mashghaly
saary ashk hi be-asar gye

Tera dil jo beqarar tha
kabi mujh pe dil-o-jan se
Tere roothny se o sanam
mere dil me khanjar utar gye

Koi fikr la'haq na thi humain
kabi apne ranj-o-malal ki
Mere kal or aaj k saary dukh
gham-e-hijran me bdal gye

Kab hum ne tujh se gila kiya
kabi apne dard-e-behaal ka
Bary hosly ki ye baat thi
inhi hoslon me hum mar gye

Dil-e-natawan ki ye kefiyat
shokat aag ban kr sama gai
Jany kitne mosam isi trah
mere sahilon se guzar gye