Apni Tanhayi Se Ham Khud Hi Behal Jayen Ge

Ab Zulaikha Sa Khareedar Mile Ya Na Mile,
Ham To DiL Bechain Ge Baazar Mile Ya Na Mile,
 
Apni Tanhayi Se Ham Khud Hi Behal Jayen Ge,
Teri Paazaib Ki Jhankaar Mile Ya Na Mile,
 
Teri Zulfon Ki Ghani Chhaon Mere Saath To Hai,
Raah Main Saya-e-Deewar Mile Ya Na Mile,
 
Apne Har Dard Pe Ro Leta Hoon Chupke Chupke,
Koi Hamdard' Koi Gham Khwar Mile Ya Na Mile,
 
Teri Nafrat Hi Bohat Hai Mere Jeene k Liye,
Zindagi Mujh Ko Tera Pyar Mile Ya Na Mile,
 
Mere Fan-Paron Ko Becho' Mujhe Neelaam Karo,
Waqt Par Phir Koi Fankaar Mile Ya Na Mile,
 
Aaj To Aa Hi Gaya Hai Teri Mehfil Main Faraz,
Ab Isay Dolat-e-Deedaar Mile Ya Na Mile..!!