Kya ishq tha
jo baais-e-ruswai ban gya
Yaro tamam shehr tamashai ban gya

Bin maangy mil gye
meri ankhoN ko rat'jagy
MaiN jab se aik chand ka shedaai ban gya

Dekha jo uska dast-e-hinai qareeb se
Ehsas goonjti hoi shehnai ban gya

Bar'hum huaa tha meri ksi baat pr koi
Wo haadsa hi wajh-e-shanasai ban gya

Krta raha jo roz
mujhe us se bad'gumaan
Wo shakhs b ab uska tamannai ban gya

Wo teri b to pehli muhabbat na thi Qateel
Phr kya hua agr koi harjaai ban gya