Blogger Widgets Tarz-e-Sukhan: 2011-02-06

Saturday, February 12, 2011

Jese dil pe koi

meri ankho me nami ka hi samaN rehta hy
dil me ek dard jo muddat se jawaN rehta hy

wo jo kehta tha k bichraiN gy to mar jain gy
ab ye malom nahi hy k kahan rehta hy

ek usko meri chahat ki zarorat na rahi
wrna mera to talabgar jahaN rehta hy

wo samajhta hy k main bhol gya hon usko
khud se b ziyada mujhe jis ka dhyaN rehta hy

yon udasi mere sr pr hy musal'lat jese
jese dil pe koi zakhmoN ka nishaN rehta hy

Wo sawab maang raha hy

Khizan k mosam se gulab maang raha hy
phr apne lye koi azab maang raha hy

Jan mangta to main zara taghaful na krta
mgr wo mujh se mere khwab maang raha hy

Ata kr k meri zeest ko hijr ki azee'atain
or mujh se visal-e-rut k hisab maang raha hy

Khataain krna hi raha mashghala uska
main kya don sila usy wo sawab maang raha hy

Apni samjh me uski guftagu b nahi aati
or wo an'kahy sawalon k jawab maang raha hy

Mujh ko apne wajod pe b dastaras nahi hasil
or dil-e-nadan hy mehtaab maang raha hy

Koi zindagi se ghabra gya is qdar
kashti ka musafir hy or gardab maang raha hy

Samundar b dua deta hy

Hosla dobty mosam ka barha deta hy
phol shakhon pe wo bar'waqt khila deta hy

ek manzil hy k soraj sa b kho jati hy
ek rasta hy k jugno b dikha deta hy

dard seeny me jo dum la=y to ghaneemat wrna
ye wo shola hy jisy habs hawa deta hy

wo jo soraj ko ubharny nahi deta shab bhar
subha hoty hi wo mehtaab bujha deta hy

wus'at-e-dast bata
kon mere rasty me
roz diwar bagolon ki utha deta hy

jisko tofaN sy ulajhny ki ho aadat Mohsin
aisi kashti ko samundar b dua deta hy

Koi suny ga

Mohabbaton ki ye war'datain
koi suny ga
to kya kahy ga
Ye behki behki hamari batain
koi suny ga
to kya kahy ga

Raqabaton ki qyamaton se
khandarain bdal rahi hain
Hamari chahat ki kaynatain
koi suny ga
to kya kahy ga

Tumhare Khat se ye lag raha hy
k roty roty likha hy tum ne
Ye an'kahi si tumhari batain
koi suny ga
to kya kahy ga

Hami hain mazloom
hum hi zalim
hami hain maqtool
hami hain qatil
hami hain mohry
hami hain bisatain
koi suny ga
to kya kahy ga

tere tasawur ka aana jana
mere takhay'yul ki wadiyon me
Baghair dhol ki baratain
koi suny ga
to kya kahy ga

Friday, February 11, 2011

Kuch na ponchye

Kya keh gai ksi ki nazar
kuch na ponchye
Kya kuch hua hy dil pe aser
kuch na ponchye

Wo dekhna ksi ka
kan'akhyon se baar baar
Wo baar baar uski nazar
kuch na ponchye

Ro ro k kis trah se kati raat kya kahain
Mar mar ki hy seher
kuch na ponchye

Aksr khyal-e-husn me pohncy hain mar k hum
Q kr hua hy ty ye safer
kuch na ponchye

Mohabbat ka haq ada na hoa

Tere karam ny mujhe kr lya qabol mgr
Mere janon se Mohabbat ka haq ada na hoa

Tere ghamon ny mere hr nishat ko samjha
Mera nishat tere gham sy aashna na hoa

Kahan kahan na mere paon lar'kharaye mgr
Tera sabat ajab tha k hadsa na hoa

Tera karam jo ghata b to by'panah raha
Mera salok barha b to munsifana hoa

Tere dukhon ny pukara to main qareeb na tha
Mere ghamon ny sada di to fasla na hoa

Hazar shamhon ka banta raha main parwana
Kisi ka ghar
tere dil me mere siwa na hoa

Tere majaz me us k lye parsatish thi
Khuda ka naam lye jis ko ek zamana hoa

Rehne Nahi Don ga

Koi Parchaye Zair-e-Asman Rehne Nahi Don ga
Kisi K Sir Py Koi Saye'ban Rehne Nahi Don ga

Main Pehle Madham Kr Don ga
Har Shy
Har Ta'luq Ko
Phr Us K Bad Dharti Py Makaan Rehne Nahi Don ga

Main ek La'Inteha Ki Arzo Me Sari Dunya Ko
Aseer-e-Khwahish-e-Wehm-o-Guman Rehne Nahi Don ga

Main Pardy Chaak Kr Don ga
Sabi Be'Mani Rishton K
Kisi Ko B Kisi Pe Mehr'baan Rehne Nahi Don ga

Ta'luq Ger Nahi Koi
To Rah-o-Rasm-e-Dunya B
Main Apny Or Tumharay Darmiyan Rehne Nahi Don ga

Main Pehle Kheench Lon Ga
Paon K Nichy Se Dharti Ko
Phr Us K Bad Sar Pe Asmaan Rehne Nahi Don ga

Usy barbad mat krna

Muqadar se kaho phr se
sitam ejaad mat krna
Koi aabad hy dil me
usy barbad mat krna

Wo ek shab khwab sa ban kr
utr aye ga ankho me
Ye palkain mond lena or
usko yaad mat krna

Hansi me hi ura dy ga
zamana dil ki baton ko
Ksi k samny b paish
tum ro'daad mat krna

Riha ho kr guhar palkoon se
mil jaty hain mati me
Mujhe qaid-e-mohabbat se
kabi aazad mat krna

Isi mosam me dil k qafly
lut'ty hoe dekhe
In ankho me gulabon ko
kabi aabad mat krna

Thursday, February 10, 2011

Na usy khabar na mujhe khabar

Mily kb thy hum ksi mor pr
na usy khabar
na mujhe khabar
K khyal-o-khwab ka tha safar
na usy khabar
na mujhe khabar

Na wo aan me
na guman me
na salam tha na payam tha
Kisy kis ny dekha tha chonk krna usy khabar
na mujhe khabar

Dar-e-dil py narm si dastakain
kisy rokty kisy tok'ty
Wo mehek thi jan me gai utar
na usy khabar
na mujhe khabar

Kabi us k seeny me mera dil
bara natawan
bara muz'mahil
Mere rukh pe us ki hy chashm-e-ter
na usy khabar
na mujhe khabar

Dil muztarib
rahin kb talak
ksi be'khabar k khyal me
Kisy dhondty rahin umr bhar
na usy khabar
na mujhe khabar

Kabi kho gye sabi rasty
kabi raston se palat gye
Kahan us ka ghar
kahan mera gharna usy khabar
na mujhe khabar

Thy nazar me ajnabi rasty
to ye kese aa gya yak'ba'yak
Sar-e-rah chahton ka nager
na usy khabar
na mujhe khabar

Meri manzilon ka qasor hy

Teri qurbatain b saraab hain
ye bhala hua jo mili nahi
Meri manzilon ka qasor hy
tere raston se mili nahi

Ksi aag ne wo dhuan dia
mujhe dekhne b kahan dia
Wo musafton ka jahan dia
kahin rasta hy
kahin nahi

Mujhe zindagi wo diya lgy
k abi bujhe jo hawa lgy
kabi kya lgy kabi kya lgy
ksi zaviye pe yaqeen nahi

K shikasta'pa main rukon kahan
hy ye faslon ka nya jahan
hy agr zameen nahi aasmaan
hy jo asmaan to zameen nahi

Pas-e-chashm-e-nam wo zaror hy
mera dil jafaon se choor hy
Meri manzilon ka qasor hy
tere raston se mili nahi

HaNsi aati hy

Ehl-e-ulfat k havalon pe haNsi aati hy
laila majnu ki misalon pe haNsi aati hy

jb b taqmeel-e-mohabbat ka Khyal aata hy
mujhko apne Khyalon pe haNsi aati hy

log apne lye oron me wafa DhoN'Dty hain
un vafa DhoND'ny walon pe haNsi aati hy

dekhne valo tabas'sum ko karam mat samjho
unhain to dekhne valon pe haNsi aati hy

chaNdni raat mohabbat me haseen thi Fakhir
ab to beemar ujalon pe haNsi aati hy

Wednesday, February 9, 2011

Tu bdal gya hy!!

wo teri ankho k khwab sary
Wo batain sari
Hisab sary
Sawal sary
Jawab sary
Wo khushiyan sari
Azab sary
Nasha tha jo wo utr gya hy!
kuch to hy?
Tu bdal gya hy!

Jo tere milne ki arzu thi
Jo tujhko pany ki justju thi
Hui jo chahat abi shuru thi
Jo teri ankho me roshni thi
Jo teri baton ki ragni thi
Jo teri sanson ki tazgi thi
Jo tere lehje me chashni thi
wo sara meetha pighal gya hy
Kuch to hy?
Tu bdal gya hy!!

Tuesday, February 8, 2011

Pyara bohat lga

Rotha hua tha Hans to para dekh kr Mujhe
Mujh ko to is kdar b Dilasa bohat lga

Sehra me jee raha tha jo Darya-Dili k sath
Dekha jo ghor se to wo Pyasa bohat lga

Wo jis k Dam Qadam se thi Basti ki Ronaqein
Basti Ujar gai to Akela bohat lga

Lipta hua ho jese Kahar me Khizan ka Chand
Maily Libas me b wo Pyara bohat lga

Resham pehen k b Meri Keemat na barh ski
Khad'dar b is k Jism pr Mehnga bohat lga

Mohsin jb Aainy pe Meri Sansain jam gai
Mujh ko Khod Apna Aks b Dhundla bohat lga

sambhlna b nahi mumkin

Ajab hain rasty mere k
chlna b nahi mumkin
Zra thoker jo lag jaye
sambhlna b nahi mumkin

Tera chehra meri nazron me
dhundla sa na ho jaye
Bheegi hoi ankho ko
ab malna b nahi mumkin

Mily hain bad muddat k
bala k sard hain lehje
K jalna b nahi mumkin
pighalna b nahi mumkin

Ta'luq tot jany se
umeedein tot jati hain
Dilon me hasraten le kr
behelna b nahi mumkin

Bohat na'kamiyan ly kr
hoa hon khaak ka qaidi
Chlo ab aaj se ghar se
nikalna b nahi mumkin

Usy itna na socha kr
teri adat na par jaye
Phr to aisi aadatain
bdalna b nahi mumkin..!!

Muhabbat Se Mukarty Dekhe

Kash Aye Wo
Mujhe Jan Se Guzrty Dekhe...
Uski Khwhish Thi Kabi
Mujhko Bikharte Dekhe...

Wo Saliqy Se Hua Hum Se Gurezan Wrna...
Log To Saaf
Muhabbat Se Mukarty Dekhe...

Waqt Hota Hy Har Ek Zakhm Ka Marham MOHSIN
Phr B Kuch Zakhm Thy Aise
Jo Na Bharty dekhe...

Baat Gehri Thi

Batao Dil Ki Bazi Me
Bhla Kya Baat Gehri Thi
Kaha Yon To Sabhi Kuch Theek Tha
Pr Maat Gehri Thi

Suno Barish !
Kabi Khud Se B koi Barh K Dekha Hy
Jawab Aya Un Ankho Ki
Mgr Barsat Gehri Thi

Sunao Pitam Ne Holy Se Kaha Tha Kya
Batao na?
Jawab Aya
Kaha To Tha
Mgr Wo Baat Gehri Thi

Diya Dil Ka Samandar
Us Ne Kya Kiya IsKo?
Hamain Bs Dob Jana Tha
K Wo Soghat Gehri Thi

Wafa Ka Dasht Kesa Tha
Btao Tum Pe Kya Beeti?
Bhatak Jana He Tha HamKo
Wahan Pr Raat Gehri Thi

Tum Us K Zikar Pe Q
Dob Jaty Ho Khyalon Me?
Rfaqat Or Adawat Apni
Us K Sath Gehri Thi

Nazar Aya Tumhain Us Ajnabi Me Kya
Batao Gy?
Suno Qatil Nigahon Ki
Wo Zalim Ghaat Gehri Thi..!!

Sunday, February 6, 2011

Mgr Wada Nahi Krti

Main Apni Dosti Ko Shehr Me Ruswa Nahi Krti
Mohabbat Main B Krti Hon Mgr Charcha Nahi Krti

Jo MuJh Se MiLny Aa Jaye
Main Us Ki DiL Se Khadim Hon
Jo Uth K Jana Chahy
Main Usy Roka Nahi Krti

Jisy Main Chor Deti Hon
Usy Phir BhoL Jati Hon
Phr Us Hasti Ki Janib Main
Kabi Dekha Nahi Krti

Tera Israr Sar'ankho Pe
K Tum Ko BhoL Jaon Main
Main Koshish Kr K Dekhon Gi
Mgr Wada Nahi Krti

Guzar Rahy Hain Jo Mujh Pe Azab
Us K Hain
K Meri Chashm-E-Tamanna Me Khwab
Us K Hain

Kitab Meri
Qalam Mera
Soch B Meri
Mgr Jo Likhy Hain Main Ne Wo Baab
Us K Hain

Wo Meri Zaat Ka Ik Mustand Hawala Hy
Kitab-E-Ishq Me Sare Nisaab
Us K Hain

Dunia Thi Aabad Meri

A SAQI Suno Faryad Meri
Kabi Dunia Thi Aabad Meri

Main Prem Ngar ka Baasi Tha
Aur Pyar Ka Itna "AADI" Tha

Sans B Pyar Se Chalti Thi
Dharkan B Geet Sunati Thi

Na Khana Peena Ishq Siva
Na Chalna Phirna Ishq Bina

Jeevan Me Har Su Rang Hi Rang
Har Pal Me Jeene Ki Trang

Phir Sapna Mera Tot Gya
Wo Dais B Mujh Se Chot Gya

Ab Tanha Tanha Ghomta Hon
Jeeny Ka Sehra Dhondta Hon

Meri haalat na pochta

ankho me ansoun ki haqeeqat na pochta
ae kash mujh se wo meri haalat na pochta

ab main ne us se usko talab kr liya to kya
wo b mujh se meri zarorat na pochta

wo mujh ko azmata ksi or trah se
kitni hy mujh ko us se mohabbat na pochta

agr wo jan jata dil k maamly mohsin
mujh se kabi b wajh-e-mohabbat na pochta

MuR muR k dekhti hy

muddat se DhoNDti hy
ksi ki nazar mujhe
maiN kis muqam pr hoN
nahi hy khabar mujhe

yoN ja raha hoN jese
na phr aaoN ga kabi
muR muR k dekhti hy
teri rah'guzar mujhe

kya jany kis khyal se
chehra damak uTha
maiN chara'gar ko dekhta hooN
chara'gar mujhe

maNzil pe aa k Shaad
ajab hadisa hua
maiN humsafar k bhol gya
humsafar mujhe

Mohabbaton ka pta chly ga

wafa ka pooda shajar hua to
mohabbaton ka pta chly ga
naseeb uska samar hua to
mohabbaton ka pta chly ga

Abi to phirty ho doston me
azeez koi juda nahi hy
koi idhr sy udhr hua to
mohabbaton ka pta chly ga

Ye khushnasibi hy shehr bhr me
tumhara dushman koi nahi hy
kabi ksi ka jo dar hua to
mohabbaton ka pta chly ga

Ye kya bichrna k sham hoty hi
apny pyaron me lout aana
kabi jo lmba safr hua to
mohabbaton ka pta chly ga

Acha Lga

Baadlon Ka Kafila
Aata Hoa
Acha Lga
Pyas Ki Dharti Ko
Hr Sawan Bara
Acha Lga

Us Bhari Mehfil Me Uska
Chnd LaMhon K Lye
Mujhse Milna
Baat Krna
Dekhna Acha Lga

Jinka Such Hona Ksi
Sorat Se B MuMkin Na Tha
Aisi Aisi Batain Aksr
Sochna
Acha Lga

Wo To Kya Aata Mgr
KhushfehMiyon K Sath Sath
Sari Sari Raat
HuMko Jagna
Acha Lga

Pehle Pehle To Nigahon
Me Koi Jachta Na Tha
Rafta Rafta Dosra
Phr Teesra
Acha Lga...

K Hum Pather Nahi

Muhabbat Kis Ko Kehte Hain
Humain Tum Ne Sikhaya Tha
Ibadat Kis Ko Kehte Hain
Ye B Tum Ne Bataya Tha

Mgr Jab Hum Mohabat Ki
Ksi Wadi Me Khoye Thy
Suhany Khwab Meri Jagti
Ankho Me Soye Thy
Humain Tanha Kiya Tum Ne
Koi Awaz Tak Na Di
Tumhain Dhonda Bohat
Sapny Sajati Meri Ankho Ne
Bohat Khush-Fehmian Paly
Bohat Hi Door Ja Nikly
Jahan Se Lout Aany Me
Humain Ik Umer Lgni Thi
To Us Dum Ik Pal Socha!
K Q Na Hum Kuch Dor or Ja Bhatkain
Ksi Nai Oor Ja Niklain
Ksi K Sath Phr Hum B
Khail Mohabbat Ka Phr Khailien
Ksi Ka Tor Dain Dil Hum
Ksi Ko Soz Me Dhakelain
Mgr Mushkil Pari Hum Ko
K Hum Pather Nahi Bal'ky
Dharakta Dil Hi Rakhty Hain

Aap ka Muskurana Ghazab Ho Gya

Chandni Raat Me Chaand K SaMny
Rukh Se Parda Hatana Ghazab Ho Gya

Chandni Chup Gai Chaand SharMa Gya
Aap ka Muskurana Ghazab Ho Gya

Dil ki Dharkanain Meri Taiz Ho Gai
Raat Ankho Me Kanty Chubhny Lgy
Wasl Ki Raat Me Baat Hi Baat Me
Yon Tera Roth Jana Ghazab Ho Gya

JhoM Kr Kaali Kaali Ghata Jab Uthi
Raat Apni To Karvat Bdalty Kati
Kuch To MosaM ne Bechain Rakha HuMein
Kuch Tera Yaad Aana Ghazab Ho Gya

Apne Hisy Me Tofan Ki Taqdeer Thi
Zindagi Apni Mojon ki Zanjeer Thi
Dob Jany Ka Apne HuMein GhaM Na Tha
Uska Saahil Pe Aana Ghazab Ho gya

Jalny Lgy Hain HuM

Chatri Lga K Ghar Se Nikalny Lgy Hain HuM
Ab Kitni Ehtiyat Se Chalny Lgy Hain HuM

Is Darja Hoshyar To Pehle Kabi Na Thy
Ab Q QadaM QadaM Pe SaMbhalny Lgy Hain HuM

Ho Jaty Hain Udas K Jb Dopehar K Bad
Soraj Pukarta Hy K Dhalny Lgy Hain HuM

Aisa Nahi K Barf Ki Manind Ho Mgr
Lgta Hy Yon K Jese Pighalny Lgy Hain HuM

Aaina Dekhne Ki Zarurat Na Thi Koi
Khud Janty Thy HuM K Bdalny Lgy Hain HuM

Is Ka Yaqeen Aaj Bhala Kis Ko Aye ga
Ek DheeMi DheeMii Aanch Me Jalny Lgy Hain HuM